CWMNÏAU CYDWEITHREDOL GOFAL CYMDEITHASOL YN Y DU

Mae’n amserol archwilio effaith cwmnïau cydweithredol yn y sector gofal cymdeithasol i oedolion. Cyflwynir y sector yn un sydd ‘mewn argyfwng’, ac mae cwmnïau cydweithredol yn dod i’r amlwg mewn dogfennau polisi ac ymarfer awdurdodau lleol yn fodel addawol ar gyfer gwella canlyniadau i bobl sy’n defnyddio gofal a’r gweithlu gofal. Mae’r adroddiad hwn wedi’i seilio ar astudiaeth dulliau cymysg sy’n cyfuno adolygiad llenyddiaeth, 12 cyfweliad ag arweinwyr sector, tair astudiaeth achos o gwmnïau cydweithredol gofal cymdeithasol, ac arolwg ar-lein. Fe’i comisiynwyd gan Co-operatives UK a Cwmpas a chafodd ei baratoi gan y Ganolfan Astudiaethau Gwasanaethau Iechyd ym Mhrifysgol Caint mewn partneriaeth â Centre for Care, IMPACT, a’r Ganolfan Ymchwil Gofal Cymdeithasol i Oedolion (CARE). Mae’r paragraff ar y dudalen nesaf yn crynhoi’r canfyddiadau allweddol ac yn dod i ben ag argymhellion ar gyfer y rhai sy’n gwneud penderfyniadau cenedlaethol a lleol.