HATIFUNGANI YA KIJANI YA MIUNDOMBINU YA MAJI YA MAMLAKA YA MAJISAFI NA USAFI WA MAZINGIRA TANGA (TANGA UWASA) Ufadhili Bunifu au Utegemezi wa Ufadhili wa Kigeni?

Barani Afrika, serikali ndogo (NCGs) (majimbo madogo, mikoa, miji, manispaa, serikali za mitaa, n.k.) zinakabiliwa na maongezeko ya athari za mabadiliko ya tabianchi. Makabiliano haya yamepelekea mabadiliko kwenye zana za ufadhili wa mabadiliko ya tabianchi, ili kukidhi upungufu wa ufadhili wa miradi ya upunguzaji na marekebisho ya ndani ya nchi. Mfano mmoja ni Hatifungani ya Kijani ya Mamlaka ya Majisafi na Usafi wa Mazingira Tanga (Tanga UWASA) nchini Tanzania-zana inayoibua maswali muhimu kuhusiana na wajibu wa madeni, kuweka kipaumbele miradi iliyo na faida kuliko mahitaji ya jamii, pamoja na hatari ya kufadhili huduma muhimu za umma. Katika utafiti wao wa 2024, Ohiocheoya Omiunu pamoja na Ifeanyichukwu Azuka Aniyie walichunguza kama hatifungani hizi za Tanga UWASA zinawakilisha uhamasishaji wa kweli wa mtaji wa ndani au zinaimarisha utegemezi wa kifedha za kigeni. Watafiti hawa wanahoji ya kwamba hatifungani ya Tanga UWASA ni mfano wa ahadi na mitego ya kwenye ubunifu wa ufadhili wa miradi ya mabadiliko ya tabianchi barani Afrika, inayofichua matatizo yanayokabili serikali ndogo za Kiafrika (SNGs) wanapopitia usanifu wa kifedha wa kimataifa ambao unauwezo wa kuhudumia maslahi ya nje zaidi kuliko mahitaji ya maendeleo ya jamii.